الشاعر إبراهيم شحرور / مفاتيح بجياب الورق

الشاعر إبراهيم شحرور

الشاعر إبراهيم شحرور، هو دكتور في الهندسة المدنية وأستاذ جامعي. ولج عالم الشعر باللغة المحكية، ناثرًا بصمته الإبداعية. كتب بعد بلوغه الخمسين من عمره ونشر ديوانه الأول (أساور من تعب) في العام 2015 وأتبعه بـ”تياب القلوب… قلوب”في العام 2018.
صدر له حديثا ديوان”بِ جياب مفاتيح الورق”،وهذه بعضُ قصائده:

*قصيدة الايدين…ساعة رمل
كان البحر تعبان
ومْواجو تقالْ
والشمس وجّا
متل أيّامي… حزين…
حطّيْت كمشةْ رمل
بالإيد الشمال
دْلَقْتا شْويّ شْوَيّ
عا إيدي اليمين…
كمشة رمِل
كانت صخر… كانت جبال
مرْقِتْ بِ مطْحَنْةِ العمُر
صارت طحين…
يا عُمر
يا قصر لْ بَنَيْتو عالرمال
عم يكرج قْبالي الوقت
كرجِةْ غزال
وْعم يزحطو
من بين صابيعي… السنين…
حسّيْت عم بكتب قصيدِہ بالرمِل
وسْطورها
مْنِ سْنين عمري الضايعين
وْجنبي البحر
كاتب قصيدِہ عَ الرمِل
وحْدُو البحر عرفان
كاتبها لَمين…

*قصيدة خْياطِة فجر
“بوعى الصّبح عم خيِّط افكاري
ضوّ الفجر خيّاط عا فكرة
ولمّا يقرِّب يخلص نهاري
بْيتفرفطوا فكرة ورا فكرة
وتا عِيد تاني يوم مشواري
برجع بلِّفّ الخيط عالبَكْرة
بعدو جديد وعايزو بُكره”

*قصيدة عالبِكْلة
قال الاحد للسبت:” يا مْبارح!
إنتا لْ كِنِت حِلم وْصرت ذِكرى”
ردّ السّبت:” شو هالحكي الجارِح
مَعليش…مِنشوفَك بعد بُكرَه”.

يقع الكتاب في 125 صفحة من القطع الكبير
الناشر: دار النهار للنشر
الطبعة الاولى: 2025